Сэлэнгэ аймгийн Баянгол сумын Баян багийн “Хусдайн даваа” гэдэг газар автозамын осол болж автомашины бүхээгт нэг хүн хавчуулагдаж нас баржээ. Уг хэргийн тухай дуудлагыг 12 дугаар сарын 21-ний өдрийн 23:05 цагт Онцгой байдлын алба хүлээн авсан байна.

Тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчдыг очиход “Хустайн даваа”-ны хойд бэлд автозамын зорчих хэсгийн хажууд зогсож байсан “FVR33P” загварын ачааны автомашин /эзэнгүй орхиж явсан автомашин/-ны хойд талаас “Ранжер” загварын ачааны автомашин мөргөж, жолооч М /59 настай, эрэгтэй/ автомашиныхаа бүхээгт хавчуулагдан нас барсан байсан тул 7 минут ажиллан цогцсыг гаргаж, Сэлэнгэ аймгийн Мандал сумын сум дундын Цагдаагийн мөрдөгчид шилжүүлэн өгчээ. 

---