Сүхбаатар дүүргийн 8 дугаар хорооны нутаг дэвсгэрт байрлах банкнаас энэ оны 12 дугаар сарын 19-ний өдрийн 18 цаг 15 минутад "Манай ажилтан касснаас 100 мянган ам.доллар хулгайлаад явсан байна” гэх дуудлага цагдаагийн байгууллагад иржээ.

Уг хэргийг Сүхбаатар дүүргийн Цагдаагийн 1 дгээр хэлтсээс шалгахад тус банкинд ажилтай 27 настай, эрэгтэй “З” гэгч нь энэ оны 10 дугаар сарын 28-наас 12 дугаар сарын 06-ны хооронд хуурамч гүйлгээгээр нийт 360 сая төгрөгийг завшсан байж болзошгүй хэрэгт мөрдөн шалгах ажиллагаа явуулж байна.

---