Professional Darts Corporation байгууллагаас зохион байгуулдаг 30 дахь удаагийн дартсын дэлхийн аварга шалгаруулах тэмцээн зохион байгуулагдаж байна.
Энэ сарын 15-ны өдрөөс ирэх оны нэгдүгээр сарын 3-ны өдрийг хүртэл Англи улсын Лондон хотноо зохион байгуулагдаж буй 30 дахь удаагийн дарстын ДАШТ-д дэлхийн шилдэг тамирчид өрсөлдөж байна. Өмнөх жилийн аварга Шотландын Петр Врайтаас гадна дэлхийн чансааг тэргүүлэгч Уэлсийн Гервин Прайс, ДАШТ-д гурвантаа түрүүлсэн Нидерландын Майкл Ван Гервен нар үзэгчдийн анхаарлын төвд байна. Мөн түүнчлэн дэлхийн чансааны 4-т эрэмбэлэгдэж буй Английн Майкл Смит ДАШТ-д өмнө нь хоёр ч удаа үзүүрлээд байгаа бол энэ удаа түрүүлэх зорилго тавин өрсөлдөж байгаа нь дамжиггүй.
Одоогийн байдлаар хоёрдугаар тойргийн тоглолтууд явагдаж байгаа ба чансааг тэргүүлэгчид бүгд эхний хожлуудаа аваад байна.
Дартсын ДАШТ-ий шагналын сан хэзээнээсээ маш өндөрт тооцогддог ба нийт шагналын сан нь 2.5 сая фунт стерлинг буюу монгол мөнгөөр 10 гаруй тэрбум төгрөг юм.
