Нүүрсний хулгайн ерөнхий сонсголд оролцож байгаа Домог IZ болон "BRB" компанийн захирал Б.Энхжаргалан нарын сэтгэгдлийг та бүхэнд хүргэе. 

Домог IZ: 

-Сонсголд оролцох залуусыг дөрвөн танхимд хуваасан юм байна. Хэрэв биднийг Их танхимд авсан бол ингэж үймэхгүй байх байсан. Зохион байгуулагчид залуусыг хувааж байна. 

Залуусын жагсаал тайван өрнөж байсан. Гэтэл удах тусам улс төрийн сонирхол орж байна. Огт харж байгаагүй, хонож байгаагүй залуус сая "Би олон хоног талбайд хоносон, үгээ хэлмээр байна" гэж байна. 

АТГ-аас 17 нэр зарласан. Цаана нь 200-300 хүн байгаа гэж харж байна. Олон ч хүнийг шалгаж байгаа гэсэн хүлээлттэй байна. 

"BRB" компанийн захирал Б.Энхжаргалан: 

-Миний орсон А танхимд нэг ч хэвлэл, дэлгэц байгаагүй. Дэлгэцийн хүрэлцээ муу гэнэ. Ангийн дарга гайгүйхэн хийж байсан хүүхэд ийм сонсгол зохион байгуулчихна шүү дээ. Одоо бол хэн сайн чарлах вэ, хэн сайн орилох вэ уралдаан болж байна гэв. 

---