Уул уурхайн биржээр ирэх хоёрдугаар сарын 15-наас нүүрсээ арилжаалж эхэлнэ гэж УУХҮ-ийн сайд Ж.Ганбаатар мэдээлэв.

Уул уурхайн хүнд үйлдвэрийн сайд Ж.Ганбаатар:

-Биржээр эхний ээлжид нүүрс, зэс, төмрийн хүдрийг зарна гэж төлөвлөж байна. Засгийн газрын баталсан журмаар тэр хүртэлх хугацаанд нүүрсээ зарна. Хувийн хэвшил өөрсдийн хүслээр оролцох бол төрийн компаниуд заавал оролцоно. Нүүрсийг нэг л үнээр борлуулах зорилгоор биржийг байгуулж байна. Биржийн үнийг 01 хувь гэж тогтоосон. Манай улс сард 3 сая, жил 36 тонн нүүрс гардаг. Эхний ээлжид 1 сая тонныг биржээр зарна гэж тооцоолж байна. Бирж байгуулахаас өмнө туршиж үзэж байна. Монголын хөрөнгийн биржийн дор бүтээгдэхүүнээ зарна. 

Биржээр нүүрсээ зарлах гэж байгааг худалдан авагч талынхан маань сонирхож байна гэдэг мэдээлэл байна. 2-р сарын 15-ны өдрөөс биржээр зараад эхэлчих байх гэж бодож байна. Ер нь биржээр ингэж зарах нь хариуцлагыг хоёр талдаа зоож өгсөн. Шимтгэлийн төлөө журмаа зогсоохгүй тулд үүнийг зохицуулж өгсөн. Эрдэнэс Тавантолгой, Тавантолгой гээд бүх компаниуд өөрсдөө хил дээр нүүрсээ аваачиж өгнө. Дундын тээвэр гэж байхгүй. Энэ бол дэлхийн жишиг, энэ нь хулгайн нүүрс, олон төрлийн үнэ, АМНАТ гэх зэрэг олон зүйлс цэгцэрнэ гэж бодож байна гэв.

---