Орон нутгийн тээвэрт үйлчилгээ үзүүлдэг 45 хүний суудалтай автобус шатаж байсныг унтраажээ.

Баянгол дүүргийн 20-р хорооны нутаг дэвсгэр Саппорогийн автобусны буудлын урд автобус шатаж байна дуудлага иржээ.

Хамрах хүрээний дагуу Сонгинохайрхан дүүргийн Онцгой байдлын хэлтсийн ГТУА-26-р ангийн салааны захирагч, ахлах дэслэгч М.Болор-Эрдэнээр ахлуулсан 8 алба хаагч 2 автомашин дуудлагын газарт тус газарт ажиллажээ. Орон нутгийн тээвэрт үйлчилгээ үзүүлдэг 45 хүний суудалтай 86-16 УБТ улсын дугаартай Хуандэй 99 автобус шатаж байсныг унтраасан байна.

Галын аюулгүй байдлыг хангаж ажиллахыг иргэд, аж ахуйн нэгж байгууллагад нийслэлийн Онцгой байдлын газраас анхаарууллаа.

---