Цагдаагийн байгууллагын 102 тусгай дугаарын утсанд 2022 оны 12 дугаар сарын 14-ний өдөр 23:43 минутанд “Хан-Уул дүүргийн нутаг дэвсгэрт байрлах гэртээ байхад хаалганы завсраар газ шахсан” гэх утгатай дуудлага мэдээлэл ирүүлжээ.

Уг дуудлагыг хүлээн авч шалгахад 2022 оны 12 дугаар сарын 14-ны өдрийн 23 цаг 10 минутын орчим Хан-Уул дүүргийн нутаг дэвсгэрт байрлах орон сууцны хорооллын дугаар тоотын хаалганы гадна талд будгаар юм бичсэн, цаас наасан байдалтай байсныг тогтоон, шалгалтын ажиллагааг хийж байна.

Шалгалтын явцад цагдаагийн байгууллагад дуудлага мэдээлэл өгсөн иргэнээс холбогдох мэдүүлгийг тухайн өдрийн 01-02 цагийн хооронд авчээ. 

Тус орон сууцны харуул хамгаалалтын албаны хяналтын камерыг шүүх зорилгоор өөрсдийгөө цагдаагийн алба хаагч, эрүүгийн цагдаагийн албанаас явж байна гэж танилцуулан хөндлөн зураастай үнэмлэх үзүүлжээ. Тодруулбал, хар хувцастай хоёр хүн орцноос гарч байгаа нь бичлэгт үлдсэн байна. Гэвч тухайн хоёр хүн цагдаагийн алба хаагчдыг очихоос өмнө камерын бичлэгийг үзсэн бөгөөд цагдаагийн байгууллагын алба хаагчийн үнэмлэх нь хөндлөн зураасгүй болохыг цагдаагийн байгууллагаас мэдээлэв. 

Иймд ямар бичиг баримт ашигласан талаар шалгалтын ажиллагаа үргэлжилж байгаа аж. 

---