“Митцүбиши Пусо” загварын автомашинтай зургаан иргэн цасанд суусан байсныг Багануур дүүргийн Онцгой байдлын хэлтсийн алба хаагчид гарган авч, эмнэлэгт хүргэжээ. 

Хэнтий аймгийн Цэнхэрмандал сумын хоёрдугаар багийн “Цагаан хөтөл” гэдэг газар суудлын автомашин цасанд суусан гэсэн дуудлагыг Онцгой байдлын газар энэ сарын 15-ны өдрийн 08:50 цагт хүлээн авчээ.

Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн 37 настай, эрэгтэй С, 41 настай, эрэгтэй С, 31 настай эрэгтэй Э, 10 настай, эрэгтэй А, 8 настай, эрэгтэй М, 5 настай, эмэгтэй С нар “Митцүбиши Пусо” загварын автомашинтай цасанд сууж осголтын байдалтай нэг иргэний хөл нь хайрагдсан байсныг Багануур дүүргийн эмнэлэгт хүргэжээ.

Тухайн газар нь аймгийн төвөөс 220 км, сумын төвөөс 80 км зайд оршдог байна.

---