Колумб улсын Богота хотноо зохион байгуулагдаж буй 2022 оны хүндийн өргөлтийн насанд хүргэгчдийн дэлхийн аварага шалгаруулах тэмцээнээс МУГТ М.Анхцэцэг мөнгөн медаль хүртлээ.
Энэ сарын 5-ны өдөр эхэлсэн ДАШТ-д 95 орны 545 тамирчин өрсөлдөж байгаа ба манай улсаас таван тамирчин МУГД Ц.Хосбаяр, туслах дасгалжуулагч Б.Золбаяр нарын удирдлага дор оролцож байна. ДАШТ-ий хуваарь ёсоор өнөөдөр /12.15/ эмэгтэйчүүдийн 87 кг жинд дэлхийн аварга, МУГТ Мөнхжанцангийн Анхцэцэг хүч үзсэн ба түлхэлттэй өргөлтөөр 143 өргөж мөнгөн медалийн болзол хангалаа.
