Сүхбаатарын талбайд Монгол улсынхаа төрийн далбааг хоёр өдрийн турш тасралтгүй мандуулж буй иргэнтэй ярилцлаа.

-Ард түмэнтэйгээ адил боломжоо алдсан хүн байна. Өчигдөр арван цаг орчим зогсож байгаад буусан.

Би ганц зүйлийг хүсэж байна. Хариуцлага тооц. Засаг унах ямар ч шаардлагагүй. Дахиад л өөр хүмүүс орж ирдэг хулгай явагдах гээд байна. Хариуцлагын тогтолцоогоо өөрчлөх цаг нь болсон. Өнгөрсөн 30 жил эх орныхоо төлөө зогссон эх орончдыг хорьж, барьж тэмцлийг нь үргэлж мохоодог байсан. Газрын хуулийг эсэргүүцсэн хүмүүс өнөөдөр шоронд хоригдож байна. Тэднийг суллах ёстой.

Өмнөх жагсаал цуглаанд өөрийнхөө төлөө нэгдэж байсан бол одоо бүх нийтийн төлөө жагсаалд нэгдэж байна. Өнөөдөр ганц нүүрс яриад байна. Гэтэл цаана нь баяжмал гээд олон эрдэс баялаг байна. Манай улс Дорнод аймгаас нефтиэ 30 жил зөөлөө. Тэгээд тэр нутаг хөгжсөн нь хаана байна. Хэдэн ухсан нүх, эрлийз хүүхэд л үлдлээ. Өөр юу ч алга байна. Ард түмнийхээ тугч нь байя л гэж ирсэн гэлээ.

---