Гадаадын компаниуд Оросын зах зээлээс гарах болсноор тус улс цахим бие даасан байдалд хүрсэн гэж Цахим хөгжлийн сайд Максут Шадаев мэдэгджээ.

Тэрээр өнгөрөгч баасан гарагт хийсэн мэдэгдэлдээ "Гадаадын компаниуд дотоодын зах зээлээс гарсан учир бид аль хэдийн цахим хараат бус байдалд хүрсэн. Одоо бид өөрсдөдөө л найдна" хэмээсэн байна.

Үүнээс гадна, тус улсын Хууль зүйн яам АНУ-ын "Meta Platforms" компанийг хэт даврагч байгууллагуудын жагсаалтад оруулснаа мөн өнгөрөгч баасан гарагт мэдээлжээ. Өмнө нь энэ оны гуравдугаар сард Москвагийн Тверской дүүргийн шүүх тус компанийн "Instagram", "Facebook" платформуудын үйл ажиллагааг ОХУ-ын нутаг дэвсгэрт хориглосон билээ.

Эх сурвалж: TASS

---