УБТЗ-Эрээн өртөөнд энэ сарын 6-ны өдрийн байдлаар нийт 3,317 галт тэрэг өгснөөс 636 нь экспортын нүүрстэй галт тэрэг байжээ. Тэгвэл 2020 онд 474, 2021 онд 584 нүүрстэй галт тэрэг Эрээн өртөөнд хүлээлгэн өгч байсныг УБТЗ ХНН-ээс мэдээлээд байна. 

Уг тоон үзүүлэлтээс харахад экспортын нүүрстэй галт тэрэгний тоо өмнөх жилүүдээсээ нэмэгдсэн аж. 

Мөн арваннэгдүгээр сарын 4-10-ны өдрүүдэд бусад хилийн гарцаар 6,126 автомашин, 1,549 чингэлэг нийт 893.8 мянган тонн нүүрс экспортод гарчээ. Энэ нь өмнөх оны мөн үеэс 1.8 дахин өссөн үзүүлэлт юм.

Улсын хэмжээнд оны эхнээс 24 сая 379 мянган тонн нүүрс гарснаар нүүрс экспорт өмнөх оны мөн үеийн хэмжээнээс 71 хувиар өссөн үзүүлэлттэй байна. 

---