БЗД-т 32 айлын орон сууцны зориулалтаар ашиглагдаж байсан нийтийн байранд өчигдөр гал гарчээ.

Тодруулбал, Баянзүрх дүүргийн 5-р хорооны нутаг дэвсгэрт 32 айлын орон сууцны зориулалтаар ашиглагдаж байсан нийтийн байр шатаж байна гэх дуудлага өчигдөр 11:47 цагт НОБГ-т иржээ. Дуудлагаар Гал унтраах анги очиход 640 метр квадрат байрны үүд, дээвэр, тааз хэсэг шатаж байсныг гал сөнөөгчид бүрэн унтраажээ. Галын шалтгаан нөхцлийг тогтоохоор ажиллаж байна. Галд хүний амь нас эрсдээгүй байна гэж нийслэлийн Онцгой байдлын газраас мэдээллээ.

---