Өвөрхангай аймгийн Зүүнбаян-Улаан сумын малчин Ш.Доржхорлоогийн өсгөсөн Борхүү нэрт буга өнөөдөр Богд уулнаа ирлээ.

Гурван жилийн өмнө бугын бяцхан илий байхдаа хүний асрамжинд орсон Борхүү өдгөө арван салаа эвэртэй, нас биед хүрч сүрлэг "хархүү" болсон тул буга үржүүлгийн газар руу шилжүүлэх шийдвэрийг аймгийн Байгаль орчны газар гаргажээ.

Ш.Доржхорлоогийн гэр бүл Борхүүг өмнө нь хоёр ч удаа байгальд тавьсан ч буцаад ирсэн тул буга маллагч нарын гарт өгч, идээшлүүлэх нь чухал юм байна гэсэн шийдвэрт хүрчээ. 

Ингээд өнөөдөр Өвөрхангай аймгаас ирсэн Борхүүг Богдхан уулын Тайны аман дахь "Мөнгөн эгшиг" ХХК-ийн бэлчээрийн талбайд хүлээн авлаа. 

Ирэх жилээс Богд хан уулын захиргаа хяналтандаа авч, тус дархан цаазат ууланд бэлчээрлүүлнэ гэв. 

---