Ерөнхий сайд Л.Оюун-Эрдэнэ 2022 оны 12-р сарын 31-нд Цар тахлын тухай хуулийг дуусгавар болгоно хэмээн мэдэгдсэн байна.

Засгийн газрын өнөөдрийн ээлжит хуралдаанд Шадар сайд С.Амарсайхан Цар тахлын тухай хуулийн биелэлтийн талаар танилцуулга мэдээлэл хийжээ. Энэ үеэр Ерөнхий сайд Л.Оюун-Эрдэнэ 2022 оны 12-р сарын 31-нд Цар тахлын тухай хуулийг дуусгавар болгоно хэмээн мэдэгджээ.

УИХ-аас дэлхий дахинд тархаад буй Коронавируст халдвар /КОВИД-19/ цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийг анх 2020 оны дөрөвдүгээр сарын 29-нд баталсан. Улмаар 2020 оны 12 дугаар сарын 31, 2021 оны нэгдүгээр сарын 29, зургаадугаар сарын 29-нд тус тус нэмэлт, өөрчлөлт оруулж, энэ оныг дуустал сунгаад байсан юм. Тэгвэл энэ хуулийн хүчин төгөлдөр мөрдөгдөх хугацааг энэ оноор дуусгавар болгохоор болжээ. 

---