CU сүлжээ дэлгүүрийн кассын үнэ, лангууны үнэ зөрүүтэй зөрчил илэрсэн тул 5 сая төгрөгөөр торгох торгуулийн арга хэмжээг ШӨХТГ-аас авчээ. Гэтэл Захиргааны хэргийн шүүхээс тус шийдвэрийг хүчингүй болгосон байна. 

Тодруулбал, ШӨХТГ-аас сүлжээ дэлгүүрүүдэд хийсэн хяналт шалгалтын хүрээнд "Сэнтрал экспресс Си Ви Эс" ХК-ийн CU сүлжээ дэлгүүрийн кассын үнэ, лангууны үнэ зөрүүтэй байгаа зөрчил илэрсэн тул 5 сая төгрөгөөр торгох торгуулийн арга хэмжээ авчээ. Гэтэл Захиргааны хэргийн шүүх хяналт шалгалт хийхдээ Төрийн хяналт шалгалтын тухай хуулийн дагуу урьдчилж тав хоногийн өмнө мэдэгдэх ёстой ч шууд очиж шалгасан гэх үндэслэлээр тус шийдвэрийг хүчингүй болгожээ. 

Иймд ШӨХТГ-аас давж заалдах шатны шүүхэд хандана гэдгээ мэдэгдсэн байна. ШӨХТГ-аас Өрсөлдөөний тухай хуулийн дагуу удирдамжтай, төлөвлөгөөтэй, мэдээллийн дагуу, гомдлын мөрөөр хяналт шалгалтуудыг хийдэг гэж мэдэгдлээ.

---