Архангай аймгийн ИТХ-ын ээлжит бус 9-р хуралдаан өчигдөр /2022:11:08/ оройны 17:00 цагт хуралдаж, аймаг Засаг даргын асуудлыг хэлэлцэн баталлаа.

Олон өдөр хойшлогдсон ээлжит бус 9-р хуралдаанаар Төлөөлөгчдийн 100 хувийн саналаар аймгийн Засаг даргын орлогч Ванчингийн Мөнхбатыг Архангай аймгийн Засаг даргад нэр дэвшүүлж, Монгол Улсын Ерөнхий сайдад уламжлах тогтоол гаргажээ. 

Хайрхан сумаас сонгогдсон аймгийн ИТХ-ын Төлөөлөгч Ванчингийн Мөнхбат нь 1978 онд төрсөн, эхнэр 4 хүүхдийн хамт амьдардаг. 

1986-1996 онд Ерөнхий боловсролын сургууль, 1996-2000 онд Идэр дээд сургуулийг Эдийн засагч мэргэжлээр төгссөн. Мөн 2015-2016 онд Удирдлагын академийг Төрийн захиргааны удирдлагын менежерээр төгссөн.

2008-2012 онд Архангай аймгийн Хайрхан сумын Асгат багийн Засаг дарга, 2012-2020 онд Архангай аймгийн Хайрхан сумын Засаг дарга, 2020 оноос одоог хүртэл Архангай аймгийн Засаг даргын орлогчоор ажиллаж байгаа аж. 

---