2022 оны 10-р сарын 21-ний шөнө зохион байгуулалттай мөрийтэй тоглоом тоглосон байж болзошгүй хэргээр цагдаагийн байгууллагад шалгуулж байсан Ж.Энхжаргалан, Б.Наранбаатар, С.Эрдэнийн хүү Э.Энхтөгс нарын долоон хүний хэрэг хэрэгсэхгүй болж хаагджээ.

ХУД-ийн Цагдаагийн нэгдүгээр хэлтэс 15 хоногийн турш мөрдөн шалгах ажиллагаа явуулснаар зохион байгуулалттайгаар мөрийтэй тоглоогүй гэж үзсэн байна. Мөн тэднийг хар тамхи хэрэглэсэн байж болзошгүй гэх хэрэг давхар явж байсан бол шинжилгээгээр илрээгүй байна. Тухайн байрны цонхны тавцан дээр байсан кашишийн төрлийн мансууруулах бодисыг хар тамхитай тэмцэх газар үргэлжлүүлэн шалгаж байгаа аж.

---