Бид сүүлийн нэг жилийн хугацаанд 70кг нэмж, одоогийн жин нь 220 кг-д хүрээд буй иргэн Ц.Бямбасүрэнгийн ярилцлагыг та бүхэнд хүргэсэн. Түүний хувьд өөрийн жингийн илүүдлээсээ болж, нийгмийн харилцаанд орохоос татгалзаж, гэрээр ажилладаг болсон нь өнөөдрийн өөрийгөө бүтээх эхлэл болсон хэмээн ярьсан юм.

Жингийн илүүдэлдээ цэг тавьж, эрүүл жинд очихыг хүссэн түүний ярилцлага олон хүнд хүрч, тэрээр өөрт нь туслах фитнесийн багштай болжээ. Иргэдийн сайн мэдэх “Үнэгүй фитнес” группийн багш Л.Саруулбат түүнд туслахаар болж, өнөөдрөөс бэлтгэлээ эхлэхээр болсон байна. Бид иргэн Ц.Бямбасүрэн болон түүний дасгалжуулагч Л.Саруулбат нарын сонирхолтой ярилцлагыг тун удахгүй та бүхэнд хүргэх болно.

Иргэн Ц.Бямбасүрэнгийн хувьд “Би өөрийн ярилцлагаараа олон хүнд амлалт өгсөн учир шантрахыг үл мэдэн заавал хүссэн жиндээ очих болно. Магадгүй над шиг асуудалтай хэн нэгэн байгаа бол тэр хүний босох шалтгаан би байх болно” хэмээн өөрийн том зорилгыг өнөөдрөөс эхлүүлээд байна.

---