Улаанбаатар төмөр зам ХНН-ээс олон улсын галт тэргэнд ажиллах баг бүрэлдэхүүн болон аялах зорчигчоос шинжилгээний сөрөг хариу шаардахгүй.

Олон улсын зорчигчийн галт тэрэг ОХУ-аар хил нэвтрэхэд дотоодын болон гадаадын иргэнд тус улсын хилийн хяналтын цэгүүдэд түүвэрчилсэн байдлаар Ковид-19 шинжилгээ авч байна.

Иймд олон улсын галт тэргэнд ажиллах баг бүрэлдэхүүн болон аялах зорчигчоос шинжилгээний сөрөг хариу шаардахгүй болохыг Улаанбаатар төмөр зам ХНН-ээс мэдэгдлээ.

Тус мэдэгдэлд цар тахлын нөхцөл байдал муудсан тохиолдолд бүх хүмүүсээс шинжилгээ авна хэмээн тодотгожээ.

---