Өмнөд Солонгосын нийслэл Сөүл хотын Итэвон дүүрэгт болсон шахцалдааны үеэр амиа алдсан 154 хүний дунд насанд хүрээгүй зургаан хүүхэд байсан гэж тус улсын Боловсролын яам өнөөдөр мэдээлжээ.

Тодруулбал, дунд сургуулийн нэг сурагч, мөн ахлах сургуулийн таван сурагч олны хөлд дарагдан нас баржээ.

Халлоуин буюу Сүнсний баяр тэмдэглэхээр өнгөрөгч бямба гаргийн шөнө Итэвон дүүрэгт цугларсан олон тооны хүн нарийхан гудамжинд шахцалдан, үймээн самуун үүссэний улмаас 154 хүн амиа алдсаны дийлэнх нь 20 гаруй насны залуучууд байсан. Мөн энэхүү эмгэнэлт ослоор 14 орны 26 гадаад иргэн нас барсан гэж албаныхан мэдэгджээ.

Эх сурвалж: Yonhap

---