Баянгол дүүргийн 6 дугаар хороонд автомашин шатаж байна гэсэн дуудлагыг 10 дугаар сарын 26-ны өдрийн 03:58 цагт Онцгой байдлын алба хүлээн авчээ.

Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 5.5 км зам туулан 04:05 цагт очиход иргэн Э-гийн “Харриер” загварын суудлын автомашин шатаж байсныг 10 минут ажиллаж унтраасан байна.

Ослын шалтгааныг Нийслэлийн онцгой байдлын албаас тодруулахад иргэн Э автомашинаа орцны үүдэнд байрлах хогийн цэг хааж тавьсны улмаас хог шатах үеэр гал автомашин руу дамжсан гэв.

---