Эрдэнэбүрэнгийн УЦС орчимд ашигт малтмалын зөвшөөрөл олгох талаар Ховдын Засаг дарга Э.Болормаа санал оруулж, аймгийн ИТХ-аар хэлэлцүүлэх гэж байна хэмээн УИХ-ын гишүүн Ш.Адьшаа өнөөдөр бухимдлаа. Үүнийг ховдчууд хэрхэвч зөвшөөрөхгүй гэв. 

УИХ-ын гишүүн Ш.Адьшаа: 

-Ховдын цэвэр усны нөөцийн 70 хувь байдаг Их нууруудын хотгорт ашигт малтмал, газрын тосны хайгуул хийх асуудлыг Ховдын ИТХ-ын ээлжит бус хурлаар хэлэлцэх гэж байна.

"Талх" Ганхуяг гэж нөхөр өчигдөр очиж өвс, тэжээл тараасан байна лээ. Ч.Ганхуягийн дүү, Эрдэнэбүрэнгийн УЦС-ын ашиглалтын өмнөх захиргааны дарга Ч.Гантулга нар төрийн нэрээр далайлгахыг бид хэрхэвч зөвшөөрөхгүй. Засгийн газар энэ увайгүй ажлаа боль. Гуя дагуулсан хүзүү гэгчээр Төсвийн хуулиар дамжуулж хулгай луйвраа яаж хийх гээд байна вэ. Гэтэл энэ хуулиар хандив тусламж, ажлын байр нэмэгдүүлэх нэрийдлээр тэнд ямар юм хийх гээд байна вэ. 

Төсвийн тухай хуулиа татаж авч. УИХ үүнийг хэлэлцвэл маш том үр дагавар үүснэ шүү гэв.

---