СПОРТ
ХӨГЖИМ
™ watch

АНУ руу 80 гаруй тонн кокайн оруулж ирсэн Дон Мариод 35 жилийн хорих ял оноожээ

Нийтэлсэн
1 жилийн өмнө


Сурталчилгаа
Нийтэлсэн:   О.Тэргэл
1 жилийн өмнө

Колумбийн цуутай мансууруулах бодисын наймаачин, хагас цэрэгжүүлсэн бүлэглэлийн толгойлогч Даниел Рендон Эррерад Нью-Йорк муж улсын шүүхээс 35 жилийн хорих ял оноожээ.

Дон Марио нэрээр алдаршсан Эррера нь барууны үзэлтэй "Өөрийгөө хамгаалах нэгдсэн хүчин" хагас цэрэгжүүлсэн бүлгийг удирдаж байсан юм. Анх зүүний партизануудтай тэмцэх зорилгоор байгуулагдсан тус бүлэглэл нь бусдыг сүрдүүлж, мөнгө авах, хүн хулгайлах, хөнөөх зэрэг гэмт хэргийг үйлддэг байжээ. Дон Марио болон түүний дүү Фредди нарын удирдлага дор бүлгийн олон мянган гишүүн Колумбийн зүүний босогчдыг дэмжигч гэж үзсэн хүмүүс рүү халдаж, хөнөөсөн байна.

Мөн тус бүлэглэл нь өөрийгөө санхүүжүүлэхийн тулд хяналтдаа авсан нутаг дэвсгэрээр нь кокайн тээвэрлэхэд татвар авч, өөрсдөө ч хар тамхины хууль бус наймаа эрхэлдэг байжээ. Харин 2003 онд байгуулагдсан энхийн хэлэлцээрээр бүлгийн ихэнх хэсэг тарсан ч Дон Марио зэвсгээ хаяхаас татгалзаж, "Gulf Clan" гэх гэмт хэргийн бүлэглэлийг үүсгэн байгуулснаар АНУ руу их хэмжээний кокайныг зөөвөрлөж, Колумбийн хамгийн аюултай мафи болоод байсан аж.

Дон Марио ч тухайн үед Колумбийн хамгийн их эрэн сурвалжлагдсан мансууруулах бодисын наймаачин байсан ба цагдаа нар түүнийг есөн сарын турш хайсны эцэст 2009 онд Антиокиа мужаас олж, баривчилсан байна. 57 настай билээ.

Эх сурвалж: BBC

Сурталчилгаа

Манай хуудсыг дагаарай!


Сэтгэгдэл (1)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Myadagaa 99110611
1 жилийн өмнө
192.82.86.91

Minii nuhur 5jil suuj garch ireed har tamhia zarsaar l bga zasrahgui hulgaich tsaazladag bol goyoo erdenechimegiin baasanjargaliig

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.