Дэлхийн бүжгийн спортын холбооноос зохион байгуулсан 2022 оны дэлхийн аварга шалгаруулах Формейшны стандарт, латин бүжгийн тэмцээн ХБНГУ- Брауншвэйг хотод зохион байгуулагдаж өнгөрлөө.

Энэ жилийн тэмцээнд манай улсаас стандарт болон латин хамтлаг бүжгийн “Moon Dance”, “Star”, “Хатантуул” хамтлагууд амжилттай оролцлоо.

"The power of the 4 elements" буюу "4 махбодийн хүч" сэдэвт зохиомжит бүжгээр оролцсон Moon dance хамтлаг уг тэмцээний аваргын дэд байрын шагнал хүртлээ. 

Стандарт бүжгийн дэлхийн аваргаар Германы Гран-Голд-Клаб Бремен тодорсон бол латин бүжгийн дэлхийн аваргаар Германы Брауншвейгер ТСС хамтлаг шалгарчээ.

Монголоос оролцсон "Star" хамтлаг дөрөвдүгээрт байрт шалгарсан бол Формейшны стандарт бүжгийн төрөлд “Хатантуул” хамтлаг наймдугаар байранд тус тус шалгарсан байна. 

---