Монгол улсын сонсголгүй иргэдийн соёл урлагийн холбооны 35 жилийн ойд зориулсан урлагийн наадам болно. 

Монгол улсын сонсголгүй иргэдийн соёл урлагийн холбоо нь 1986 онд анх үүсгэн байгуулагджээ. Түүнээс хойш сонсголын бэрхшээлтэй иргэдийн авьяасыг хөгжүүлэх талд дээр ихээхэн анхаарч ирсэн байна. Тус байгууллагаас гадаадын болон дотоодын олон төрлийн уралдаан тэмцээнд амжилттай оролцож байжээ. Тус холбооноос 35 жилийн ойгоо угтан сонсголгүй иргэдийн урлагийн наадам зохион байгуулахаар болсон байна. 

Арваннэгдүгээр сарын 8-ны өдөр соёл урлагийн наадам зохион байгуулна. Дөрөв дэх удаагаа зохион байгуулагдах гэж байгаа тус наадамд сонсголын бэрхшээлтэй иргэд, хүүхдүүд оролцохоос гадна тэдний гэр бүл, найз нөхөд нь оролцох боломжтой. Гар урлалын шилдэг бүтээл шалгаруулах, урлагийн үзүүлбэр буюу дохионы хэлээр дуу дуулах, богино хэмжээний бичлэг, контент бүтээж шилдгээ шалгаруулахаар төлөвлөжээ.

Хэдий сонсохгүй байгаа ч гэсэн дуулж, бүжиглэж бусадтай адилхан байж чадна гэдгийг харуулах зорилготойгоор тус тэмцээнийг зохион байгуулахаар болжээ. Мөн тус наадмыг зохион байгуулахдаа хувь хүмүүс, байгууллагуудтай хамтран ажиллахад бэлэн гэж хэвлэлийн хурлын үеэр хэлж байлаа. 

---