"Монгол туургатан төв холбоо", "Урбан иргэдийн форум", "NoDoubleStandard" иргэний хөдөлгөөнөөс "Монгол туургатанд туслах үндэсний хөдөлгөөн" өрнүүлэх талаар мэдээлэл хийв.

Хөдөлгөөний төлөөлөл: ОХУ-аас элэг нэгтнүүд маань Монгол улсыг зорин ирж байна. Дамжин өнгөрөх зорилгоор, эндээ суурьшихаар, цаг үеийн нөхцөл байдал тайван болохоор буцаж гэр бүл рүүгээ явна гэсэн зорилготой ирцгээж байна.

Тиймээс бид "Нэг үндэс" хөдөлгөөний санаачилгыг гаргаж байна. Бид хүн гэдэг утгаар нь хүлээн авч, хүмүүнлэгийн тусламж үзүүлэх шаардлагатай байна. ОХУ-аас ирж буй элэг нэгтнүүддээ туслахыг Засгийн газраас шаардаж байна. Мөн манай улсад ихэнх иргэд аяллын виз буюу 30 хонгийн хугацаатай визээр орж ирсэн байгаа. Эдгээр хүмүүсийн визний хугацаа дуусахад албадан гаргахгүй гэдэг байр суурийг олон улсад мэдээлэх шаардлагыг Засгийн газарт тавьж байна гэлээ.

---