Монгол улсын Ерөнхий сайд Л.Оюун-Эрдэнийн ивээл доор “Нийгмийн эрүүл мэндийн ноцтой байдлын үед сүрьеэгийн тусламж, үйлчилгээнд салбар хоорондын хамтын ажиллагааг бэхжүүлэх нь” сэдэвт дээд хэмжээний чуулга уулзалт 2022 оны есдүгээр сарын 30-ны өдөр зохион байгуулагдана.

Манай улс нь сүрьеэгийн тархалт өндөртэй орны нэг бөгөөд жилд дунджаар 4000 хүн сүрьеэгээр өвчилдөг байна. Улмаар жил бүр тус өвчний улмаас 200 гаруй хүн амь насаа алдаж байгаа нь халдварт өвчин дотроо тэргүүлдэг байна. Монгол улс ДЭМБ-аас шинэчлэн гаргасан Сүрьеэгийн дарамт өндөртэй дэлхийн 30 орны жагсаалтад шинээр нэмэгдэн оржээ.

---