Төв аймгийн Эрдэнэ сумын Майхан багийн Хүрэн морьтын зоо гэдэг газар 14 хүн самар түүж явсанаас нэг хүн нь сураггүй болсон тухай дуудлага аймгийн ОБГ-т өчигдөр /2022.09.21/ өдрийн 09:30 цагт ирсэн байна.

Дуудлагын дагуу тус аймгийн Онцгой байдлын газар, аймаг дахь Цагдаагийн газрын алба хаагчид нийслэлийн Баянзүрх дүүргийн иргэн Б /32 настай, эмэгтэй/-г эрэн хайх ажиллагааг зохион байгуулахаар 11:00 цагт явсан боловч Цагдаагийн байгууллагын алба хаагчдын автомашин шаварт суужээ.

Ингээд үдшийн 19:30 цагт Хүрэн морьтын зоо  /аймгийн төвөөс зүүн хойд зүгт 263 км, сумын төвөөс баруун хойд зүгт 180 км-т/ гэдэг газар хүрэлцэн очиж хоноглосон аж. Өнөөдөр өглөөний 06:00 цагт эрэн хайх ажиллагааг эхлүүлсэн байна.

---