АНУ-ын домогт сагсанбөмбөгч Майкл Жорданы 1998 оны шувтаргын тоглолтод өмсөж байсан 23 дугаартай өмсгөл дуудлага худалдаагаар 10.1 сая ам.доллароор зарагдаж рекорд тогтоолоо.
Дуудлага худалдааг зохион байгуулагчдын зүгээс 5 орчим сая ам.доллароор зарагдана хэмээн таамаглаж байсан ч тэдний төсөөснөөс харьцангуй өндөр үнээр зарагдсан байна. Энэ нь спортын түүхэн дэх хамгийн өндөр үнээр зарагдсан өмсгөл болж түүхэнд тэмдэглэгдэн үлдэж байна. Өмнө нь Аргенитийн домогт хөлбөмбөгчин Д.Марадонагийн өмсгөл 9.3 сая ам.долароор зарагдаж байсан рекордыг ийнхүү эвдсэн байна.
Өдгөө 59 настай Майкл Жорданы хувьд 1984 оноос АНУ-ын үндэсний сагсанбөмбөгийн холбоонд зургаан удаа түрүүлж байснаас гадна NBA-ийн үнэ цэнтэй тоглогчийн шагналыг таван удаа хүртэж байсан домогт сагсчин юм.
