Сэлэнгэ аймгийн Ерөө сумын хиймэл нуурт 1 хүн живсэн гэсэн дуудлагыг 09.11-ний өдрийн 15:35 цагт Онцгой байдлын алба хүлээн авчээ.

Тус аймгийн Онцгой байдлын газрын Эрэн хайх, аврах анги, цагдаагийн газрын алба хаагчид 167 км замыг туулан 21:38 цагт очиход алтны уурхайн карьерын /өргөн нь 200 метр, урт нь 500 метр/ хиймэл нуурт тус компанийн ажилтан Говьсүмбэр аймгийн Шивээговь сумын харьяат иргэн Б /25 настай, эрэгтэй/ согтууруулах ундаа хэрэглэсэн үедээ орж живсэн байжээ

Эрэн хайх ажиллагааг 09.12-ны өдрийн 07:00 цагт эхлүүлж 08:08 цагт 6 метрийн гүнээс цогцсыг гаргаж Цагдаагийн байгууллагад шилжүүлэн өгсөн байна.

---