Өмнөговь аймгийн 500 оюутан амьдрах "Оюутан хотхон" бүтээн байгуулалтын ажил 70 хувийн гүйцэтгэлтэй ч санхүүжилтгүйн улмаас хоёр жилийн хугацаанд гацжээ.

Барилгын үлдэгдэл санхүүжилтийг 2023 оны орон нутгийн төсөвт оруулахыг оюутнууд хүслээ.

Улаанбаатар хотод 2000 орчим Өмнөговь аймгийн оюутан сурч, амьдардаг. Тус оюутны хотхон ашиглалтад орсноор 500 өрхийн асуудал шийдэгдэхээс гадна 4 тэрбум төгрөгийг хэмнэх боломжтой гэлээ. Тодруулбал "Оюутны хотхон" ашиглалтад орсноор нэг оюутанд бүтэн жилийн хугацаанд 350 мянган төгрөгөөр төлнө. Харин одоо нэг оюутан байрны түрээсэнд 500- 800 мянган төгрөг төлж байгаа нь эдийн засаг, санхүүгийн хүндрэлийг үүсгэж байна гэлээ. 

 

---