Монгол Улсын гавьяат тамирчин Э.Цэндбаатар, холимог тулааны тамирчин З.Шинэчагтага нар өнөөдөр /2022.09.09/ бооцоот тулаанаа хийнэ.

Монгол Бөхийн Өргөөнд 19:00 цагаас эхлэх уг тулаанд "бэлэн" болсоноо хоёр тамирчин мэдэгдээд байна. Тэд тус тусдаа 300 сая төгрөгөөр бооцоо тавин 70 кг-ийн жинд мэргэжлийн боксоор тулалдана.

Бооцооны мөнгөний тодорхой хувийг аль аль нь ялсан ч сайн үйлсэд зориулна гэдгээ мэдэгдээд байна. Тулааны билет 60 000 төгрөгийн үнэтэй бөгөөд ирж үзэж амжаагүй хүмүүст зориулж бичлэгийг UNIVISION санд төлбөртэйгээр байршуулна гэж зохион байгуулагчид мэдэгдэв.

 

---