Хичээлийн шинэ жил эхэлж буйтай холбоотойгоор долоо хоногийн турш авто машины улсын дугаарыг тэгш, сондгойгоор нь ээлжлэн хөдөлгөөнд оролцуулж, хязгаарлах шийдвэрийг хотоос гарган хэрэгжүүлсэн.

Тэгвэл энэхүү шийдвэрийг цаашид үргэлжлүүлэх сонирхолтой байгаагаа хотын дарга Д.Сумъяабазар илэрхийлсэн. Иймд маргааш хуралдах /2022.09.07/ НИТХ-аар  авто машины улсын дугаарыг тэгш, сондгойгоор нь ээлжлэн хөдөлгөөнд оролцуулах цаашдын төлөвлөгөөг танилцуулах аж. НИТХ-аар эцсийн шийдвэрийг гаргана. 

Гэхдээ байнга ийм зохицуулалт хийнэ гэсэн үг биш, хотын автозамын түгжрэлийн асуудал цэгцэртэл дээрх шийдвэрийг үргэлжлүүлэх сониохолтой байгаагаа нийслэлийн удирдлагууд хэлж буй.

НИТХ-аар орон нутагт хаягтай иргэд хотын дугаар авдаг асуудлыг цэгцлэх, нийслэлд шилжин ирэгсдээс татвар авах асуудлыг ч нэмж хэлэлцэхээр төлөвлөж байна.

---