Тарвагатайн нурууны байгалийн цогцолборт газрын хамгаалалтын захиргаанаас есдүгээр сарын 3, 4-ний өдрүүдэд Завхан аймгийн Тосонцэнгэл сумын Марузын рашаан орчмын хогийг цэвэрлэсэн байна. 

Нийт хоёр тонн гаруй хог цэвэрлэж, Тосонцэнгэл сумын төвлөрсөн хогийн цэгт буулгажээ.

Мөн амрагчдад болзошгүй ой хээрийн түймрээс урьдчилан сэргийлэх, хог хаягдлын тухай хуулиар сурталчилгаа хийж, гарын авлага материал, хогийн уут зэргийг тарааж ажиллаж байна гэдгийг Байгаль Орчин Аялал Жуулчлалын Яамнаас мэдээллээ. 

---