Мансууруулах буюу сэтгэцэд нөлөөлөх төрлийн ургамал тээвэрлэж явсан иргэдийг илрүүлжээ.

2022 оны 09 дүгээр сарын 02-ний өдөр Гүнт дэх шалган нэвтрүүлэх постоор "Toyota SAI" маркийн тээврийн хэрэгслээр иргэн Б. Б. Т. нар мансууруулах буюу сэтгэцэд нөлөөлөх төрлийн /Канабис/ 3 кг орчим,өөр 4 төрлийн нунтаглаж хатаасан ургамлыг тээвэрлэж явсныг Экологийн цагдаагийн албаныхан илрүүлж, Чингэлтэй дүүргийн хоёрдугаар хэлтэст шилжүүлэн өгчээ.

Энэ төрлийн гэмт хэрэгт холбогдсон тохиолдолд Эрүүгийн хуулийн 20.7 дугаар зүйлд зааснаар 1-8 жилийн хорих ял ногдуулдаг тул эцэг, эхчүүд хүүхдэдээ байнгын хяналт тавьж, энэ төрлийн гэмт хэрэгт холбогдуулахгүй байхыг анхааруулж байна.

---