Зам тээврийн хөгжлийн сайд С.Бямбацогт болон албаны хүмүүс УБ-Дархан чиглэлийн авто замын засварын ажлын явцтай танилцлаа. 

Салбарын сайд тус зам завсарын гүйцэтгэгчид, болон хяналт тавьж буй зөвлөх компанийн хүмүүстэй уулзаж тулгамдсан асуудлуудыг сонсжээ.
Өнөөдрийн байдлаар нийт 8 компани 700 орчим машин, техник 1500 орчим хүн ажиллаж байна.
Дарханы замын 2 болон 4-р багцын ажил цементийн тасалдалаас үүдэж удааширчээ. Тодруулбал өдөрт 1000 тн цемент шаардлагатай ч 400-500 тн нийлүүлэгдэж байгаа юм байна.
Зам тээврийн хөгжлийн сайд С.Бямбацогт цементийн ханган нийлүүлэлтийг тасалдуулахгүй байхад гол анхаарлаа хандуулан ажиллана гэж мэдэгдлээ.

---