Засгийн газрын хэрэг эрхлэх газрын даргаар томилогдсон Д.Амарбаясгалан сэтгүүлчдийн сонирхсон асуултад хариулт өглөө. 

-Ажлаа юунаас эхэлнэ гэж төлөвлөж байна? 

Засгийн газрын хэрэг эрхлэх газрын дарга Д.Амарбаясгалан: 

-ҮХНӨ-тэй холбоотой ажлууд бий. Үүнээс дутуугүй, улс эх оронд маань тулгамдсан олон асуудал байна. Засгийн газар илүү хурдтай, хүртээмжтэй, чадварлаг ажиллах болоод байна. Эрх баригч намын хувьд хоёр сонгууль дараалан ялсан. 2024 оны УИХ-ын сонгуулийн бэлтгэл хангах, амлалтаа биелүүлэх чиглэлд онцгойлон анхаарах шаардлага үүссэн учир сайд болох саналыг хүлээн авсан. 

Төрийн дунд, анхан шатанд төрийн хүртээмжийг сайжруулах, ил тод, ур чадварт нийцсэн цалингийн тогтолцоог нэвтрүүлэх ёстой. Төр нь иргэндээ дарамт болдог бус, төр нь иргэндээ саад болдоггүй улс орныг бий болгохыг МАН зорьж ажиллаж байгаа. Үүн дээр онцгой анхаарч ажиллана. 

ЕНБД-аар ажиллаж байхдаа эхлүүлсэн улс төрийн намуудын шинэчлэлийн дараа дараагийн арга хэмжээг авч хэрэгжүүлнэ гэв.

---