Энэтхэгийн Засгийн газар улаан буудайн гурилын экспортоо хязгаарлаж, орон нутгийн зах зээл дээрх үнийг бууруулахаар төлөвлөж байна.

Тус улс нь хэт халууны давлагаанд өртсөний улмаас үйлдвэрлэлийн хэмжээ буурч, дотоодын үнэ түүхэн дээд хэмжээндээ хүрсэн тул эрх баригчид өнгөрөгч тавдугаар сарын дундуур улаан буудайн экспортыг хориглосон билээ. Гэвч энэхүү хориг нь энэтхэг улаан буудайн гурилын эрэлтийг нэмэгдүүлж, орон нутгийн зах зээл дээрх үнийг өсөхөд хүргэжээ.

Дэлхийн хоёр дахь том улаан буудай үйлдвэрлэгч болох Энэтхэг улсын улаан буудайн үнэ энэ долоо хоногт нэг тонн нь 24,500 рупи буюу 307 ам.долларт хүрч, дээд амжилт тогтоосон аж. Энэ нь хамгийн сүүлд бүртгэгдсэн доод хэмжээнээс бараг 20 хувиар өссөн үзүүлэлт бөгөөд Украины нөхцөл байдлын улмаас үүдсэн зах зээлийн цоорхойг Энэтхэг нөхөж чадна гэсэн итгэл найдвар тасраад байна.

Энэтхэгийн Засгийн газар хориг тогтоохоосоо өмнө энэ жил 10 сая тонн улаан буудай экспортлохоор зорьж байсан ба үүний ихэнх нь Индонез, Филиппин, Тайланд зэрэг хөгжиж буй бусад оронд очих байсан юм.

Эх сурвалж: The Guardian

---