Японы Үндэсний цагдаагийн газрын дарга Итару Накамура Ерөнхий сайд асан Шинзо Абэгийн аллагын хэрэгт хариуцлага хүлээж, огцрохоор шийдвэрлэснээ мэдэгджээ.

Ноён Накамура албан ёсны мэдэгдэлдээ "Аюулгүй байдлын шинэ төлөвлөгөөгөө баталгаажуулах явцад бид үүрэг хариуцлагаа шинээр эхлүүлэх шаардлагатай гэдгийг ойлгосон" хэмээн тайлбарлаад, огцрох болсноо зарласан байна.

Шинзо Абэ өнгөрөгч долдугаар сарын 8-нд улс төрийн кампанит ажлынхаа хүрээнд Нара хотод айлчлан, иргэдэд хандан үг хэлж байх үеэр 41 настай Тэцүя Яамагами гэгч түүнийг буудаж, амийг нь хороосон билээ. Тэгвэл мөрдөн байцаалтын явцад Ерөнхий сайд асны хамгаалалтад ноцтой алдаа гарсныг тогтоосон бөгөөд орон нутгийн цагдаа нар буруугаа хүлээн зөвшөөрсөн юм.

Халдлагын бичлэгийг нягталж үзсэн аюулгүй байдлын мэргэжилтнүүдийн дүгнэснээр, байгаа оноогүй эхний сум болон хоёр дахь сумын хоорондох 2.5 секундийн хугацаанд бие хамгаалагчид ноён Абэг халхалж, эсвэл татаж холдуулан, улмаар амийг нь аврах боломжтой байсан аж.

Эх сурвалж: BBC

---