Авто тээврийн үндэсний төвөөс нээлттэй хаалганы өдөрлөгийг Дүнжингарав худалдааны авто зогсоолд 09:00-16:00 цагийн хооронд зохион байгуулж байна.

Зам тээврийн осол, хэргийн улмаас иргэдийн амь нас, эд хөрөнгө хохирохоос урьдчилан сэргийлэх, хөдөлгөөнд оролцогчдын буруу дадал хандлагыг өөрчлөх, зөв үйлдэлд уриалах, иргэдийн эрх зүйн мэдлэгийг дээшлүүлэх, сурталчлан таниулах зорилгоор энэхүү ажлыг зохион байгуулж байгаа ажээ. 

Дашрамд дурдахад Автотээврийн үндэсний төв нь автомашин эзэмшигчдэд улсын дугаар шинээр олгох, шилжилт хөдөлгөөн хийх, ашиглах боломжгүй гэрчилгээ, улсын дугаарыг нөхөн олгох зэрэг тээврийн хэрэгсэлтэй холбоотой улсын бүртгэлийн үйлчилгээг Улаанбаатар хотод нийт 13 салбар цэгээр дамжуулан дараах цагийн хуваарийн дагуу үйлчилж байна.

 

---