Гар аргаар алт олборлож байсан иргэн нурангид даруулж амиа алдсан харамсалтай хэрэг гарчээ.

Тодруулбал, Сэлэнгэ аймгийн Хүдэр сумын 16-ын даваа гэх газар бичил уурхайд гар аргаар алт олборлож байсан иргэн шороонд даруулсан тухай дуудлага тус сумын цагдаагийн хэсгээс энэ сарын 28-нд ирсэн байна.

Дуудлагын дагуу аймгийн Онцгой байдлын газрын Хүдэр сум дахь Эрэн хайх, аврах салбарын албан хаагчид очиход орхигдсон дөрвөн метрийн гүн цооногт хууль бусаар алт олборлож байсан иргэн М /37 настай, эрэгтэй/ шороонд дарагдаж нас барсан байжээ.

Нас барсан иргэнийг цогцсыг Хүдэр сумын Цагдаагийн хэсгийн төлөөлөгчид шилжүүлэн өгсөн байна.

---