Цэцэрлэгийн хүртээмжийг нэмэгдүүлэх ажлын хэсэг хуваарийн дагуу өнөөдөр Хан-Уул дүүрэгт ажиллалаа. Тус дүүрэг 250 мянган хүн амтай, цэцэрлэгийн насны 18 мянга орчим хүүхэдтэй. Энэ онд зарим хороог хувааснаар 25 хороотой болжээ.

Тус дүүрэгт 5-6 байршилд цэцэрлэгийн хүртээмж муу байгаа ба одоогийн байдлаар хамгийн олон буюу 23 барилгыг цэцэрлэгийн зориулалтаар түрээсэлж, 2600 хүүхдийг хамруулахаар төлөвлөжээ. ХУД-ийн 3 дугаар хорооны нутаг дэвсгэрт байрлах 240м2 талбай бүхий түрээсийн байртай өнөөдөр танилцлаа. Энэ байранд 3 бүлэг 90 хүүхдийг хүлээн авахаар тооцож засвар үйлчилгээг эхлүүлж байна.

Орон сууцны нэгдүгээр давхарт цэцэрлэг байгуулахдаа

• Оршин суугчдаас тусдаа орц гарцтай байх
• Гаднаа хүүхэд тоглох аюулгүй орчин, тоглоомын талбайтай байх
• Галын аюулгүй байдлыг хангасан байх
• Агааржуулалтын системтэй байх зэрэг шалгууруудыг тавьж байна.

---