СПОРТ
ХӨГЖИМ
™ watch
Технологи | 2022-07-20

21 аймгийн 1281 үйлчилгээг “Е-mongolia”-д нэгтгэлээ

Нийтэлсэн
4 сарын өмнө


Сурталчилгаа
Нийтэлсэн:   Admin
4 сарын өмнө

Монгол Улс цахим үндэстэн болохоор зорьж байна. Энэ хүрээнд Цахим хөгжил, харилцаа холбооны яам болон И-Монгол академийн хамтарсан баг гуравдугаар сараас зургадугаар сарын хооронд хөдөө орон нутагт ажиллаж, 21 аймгийн нутгийн захиргааны 1281 үйлчилгээг цахимжууллаа.

Орон нутгийн иргэдэд “E-mongolia”-г ашиглан цахим үйлчилгээг хэрхэн суурин компьютераасаа авах талаар мэдээлэл, заавар, зөвлөгөөг өгөх нээлттэй хаалганы өдөрлөгийг орон даяар зохион байгууллаа. Гэхдээ орон нутгийн үйлчилгээ гар утасны аппликейшнд ороогүй гэдгийг анхаараарай. Тиймээс орон нутгийн үйлчилгээг иргэд авахын тулд e-mongolia.mn сайтад өөрийн эрхээр нэвтэрч, үйлчилгээнүүд цэсээс Орон нутаг гэсэн цэсийг сонгож, аймгаа сонгон үйлчилгээгээ авна.

Үүний зэрэгцээ 21 аймгийн нутгийн захиргааны байгууллагуудыг дотоод удирдлагын нэгдсэн систем www.erp.e-mongolia.mn-д холбох, системийн ашиглалтын талаар заавар зөвлөмж өгөх, төрийн албан хаагч болон төрийн үйлчилгээний оператор ажилтныг сургах, цахим жишиг аймаг болоход мэргэжил арга зүйн зөвлөмжөөр хангах, орон нутгийн иргэд болон төрийн албан хаагчдад мэдээллийн технологийн ур чадвар олгох сургалтуудыг зохион байгууллаа.

Түүнчлэн Завхан аймагт шинээр “E-mongolia” төвийг нээлээ. Ингэснээр нийт 14 аймагт иргэдэд цахим үйлчилгээний заавар зөвлөгөө өгөх “e-mongolia” төв нээгдсэн гэсэн үг юм.

“E-Mongolia” төв нээгдсэн аймгуудыг нэрлэвэл:

  • Төв аймаг
  • Сэлэнгэ
  • Орхон
  • Дархан
  • Хэнтий
  • Сүхбаатар
  • Өмнөговь
  • Өвөрхангай
  • Баянхонгор
  • Говь-Алтай
  • Ховд
  • Увс
  • Хөвсгөл
  • Завхан

Харин бусад аймгуудын хувьд ирэх оноос нутгийн иргэдэд заавар, зөвлөгөө өгөх “E-mongolia” төвийг нээхээр төлөвлөж байгаа ажээ.

Эх сурвалж: “Зууны мэдээ” сонин

2022 ОНЫ ДОЛДУГААР САРЫН 20. ЛХАГВА ГАРАГ. № 137 (6869)

С.САРУУЛ

 

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.