Нэг сая төгрөгийн цалин хөлстэй 280 мянган иргэнээс 14 орчим мянган иргэний нийгмийн даатгалын шимтгэлийн 50 хувийн буцаалтын шилжүүлэг буцжээ

Үнийн өсөлтөөс бага орлоготой иргэдийг хамгаалахын тулд сая төгрөгийн цалин хөлс, түүнтэй адилтгах орлогоос иргэний өөрөө төлсөн шимтгэлийн 50 хувийг буцаан олгохоор болсон.

Манай улсад сая төгрөгийн цалин хөлстэй 280 орчим мянган иргэн бий. Үүнээс 80 орчим мянга нь сайн дураар нийгмийн даатгалын шимтгэл төлж байгаа юм.

Тавдугаар сарын нийгмийн даатгалын шимтгэлийн 50 хувийн буцаалтыг зургадугаар сарын 25-наас хойш иргэдийн данс руу шилжүүлж эхэлсэн.
Гэвч 13 мянган иргэний данс, мэдээлэл төрд байхгүй, 1700 иргэний данс, нэрийн зөрүүтэй байдлын улмаас шилжүүлэг нь буцжээ. Тодруулбал, нэг сая төгрөгийн цалин хөлстэй 280 мянган иргэнээс 14 орчим мянган иргэний нийгмийн даатгалын шимтгэлийн 50 хувийн буцаалтын шилжүүлэг буцсан байна.

“Зууны мэдээ” сонин Б.Должинжав

---