"Бүрдэл Майнинг" ХХК усны стандартаас хэтэрсэн бохир усыг Туул голд нийлүүлж байжээ. Тус үйлдэл нь удаа дараа давтагдсан тул "Бүрдэл Майнинг" ХХК-ийн ус ашиглах зөвшөөрөл, гэрээг цуцалсан байна.

Төв аймгийн Заамар сумын нутагт ашигт малтмал олборлох үйл ажиллагаа явуулж буй "Бүрдэл Майнинг" ХХК нь уурхайн ухлагын талбайн шүүрлийн усыг шавхан зайлуулахдаа бүрэн тунгаалгүй Туул голд нийлүүлж байжээ. Уг аж ахуй нэгж нь 2021 оны 09 дүгээр сарын 28-ны өдөр бохир ус нийлүүлж, мөн 2022 оны 06 дугаар сарын 24-ны өдөр дахин нийлүүлж байсныг тогтоосон тул "Бүрдэл Майнинг" ХХК-ийн ус ашиглах зөвшөөрөл, гэрээг цуцалсан байна.

---