Өмнөд Солонгосын засгийн газар зургаадугаар сарын 1-нээс Жежү, Яньян нисэх онгоцны буудлуудаар гадаадын жуулчдыг визгүй нэвтрүүлэх шийдвэр гаргасан. Тэгвэл БНСУ-ын Жэжү аралд эрүүл мэндийн аяллаар явж, хөтөлбөрөө дуусгасныхаа дараа холбоо тасарсан Монголын 23 иргэний талаарх мэдээлэл олон нийтийн сүлжээнд цацагдаад байгаа юм.

Энэ талаар Гадаад харилцааны яамнаас тодруулахад “Өмнөд Солонгосын талаас албан ёсоор манайд мэдэгдсэн зүйл байхгүй. Манай иргэд нэг сарын хугацаанд Жэжүд визгүй зорчих эрхтэй. Энэ хүмүүс зургаадугаар сарын 22-нд очсон тул долдугаар сарын 21-нд визгүй зорчих хугацаа нь дуусна. Тиймээс визны зөрчилтэй гэж үзэхэд эрт байна. Долдугаар сарын 9, 14-ний өдөр Монголруу нисэх чиглэл байгаа учир одоохондоо хууль бус иргэд гэж тооцохгүй" гэх хариултыг өглөө 

---