Өнөөдөр буюу 2022 оны зургадугаар сарын 27-ны өдөр Үндсэн хуулийн Цэц их суудлын хуралдаанаараа УИХ-ын сонгуулийн талаарх зохицуулалт Үндсэн хуулийн холбогдох заалтыг зөрчсөн эсэх тухай маргааныг хянан хэлэлцэж эцсийн шийдвэрийг гаргасан байна.

Үндсэн хуулийн Цэц 2016 онд 2012 оны УИХ-ын сонгуулийг холимог тогтолцоогоор явуулсан нь Үндсэн хууль зөрчсөн хэмээн үзэж, дахин үл хэрэглэхийг шийдвэрлэсэн. Харин энэ удаад УИХ-ын гишүүн, ХҮН намын дарга Т.Доржханд болон хуульч Д.Үүрцайх нарын гаргасан хүсэлтийг хэлэлцэж, дээрх утга бүхий 2016 оны тавдугаар дүгнэлтийг хүчингүй болгохоор шийдвэрлэсэн байна.

Ингэснээр УИХ-ын сонгуулийг холимог буюу хувь тэнцүүлсэн болон мажоратори тогтцолцоогоор хамтад нь явуулах боломж бүрдэж байгаа юм. Улс төр судлаачдын хувьд УИХ-ын сонгуулийг холимог тогтолцоогоор явуулснаар сонгогчдын санал гээгддэг байдлыг зогсоох, цаашлаад орон нутгийн хөгжлийг төрийн бодлого хэрэгжилтийн төвшинд бодлогоор дэмжих боломжтой болно дүгнэсэн байна.

---