Мэргэжлийн боловсрол, ур чадвар олгох сургууль 46 дахь хичээлийн жилдээ зургаан мэргэжлийн ангийн 75 суралцагчийг мэргэжилтэй ажилтан болгон хөдөлмөрийн зах зээлд нийлүүллээ. 

Тодруулбал, 2021-2022 онд бэлэг дурсгалын зүйл урлаач, гар утас, телефон аппаратын засварчин, модон эдлэлийн мужаан, тогооч, талх, нарийн боов үйлдвэрлэлийн технологийн ажилтан, сийлбэрчин мэргэжлийн ангийн суралцагчид төгсөн төгсөлтийн баяраа өчигдөр /2022.06.13/ тэмдэглэжээ.

Баярт ажил олгогч эзэд, хамтран ажилладаг аж ахуйн нэгж, байгууллагууд, багш, эцэг, эх асран хамгаалагчид оролцсон юм.

---