Чанар стандартын шаардлага хангаагүй барилгын материалаас ялгарч буй химийн нэгдэл нь хүний биед сөрөг нөлөө үзүүлж багтраа, амьсгал, зүрх, судасны өвчнөөр өвчлөх, хавдар үүсгэх эрсдэлийг нэмэгдүүлдэг. Иймд гадаад болон дотоод орчны агаарын чанар нь бага насын хүүхдүүдийн эрүүл мэндэд шууд нөлөөлж байдагтай холбогдуулан УИХ-ын Нийгмийн бодлогын байнгын хорооноос хяналтын сонсгол зохион байгуулахаар төлөвлөөд байсан ч хойшлогджээ.  Монгол Улсын иргэд, хүүхэд багачуудын эрүүл, аюулгүй орчинд амьдрах, сурах, ажиллах эрхийг хангах зорилгоор хүний эрх, эрх чөлөөг хангахтай холбоотой хяналтын сонсголыг 06 дугаар сарын 13-ны өдрийн 14:00 цагаас “Их эзэн Чингис хаан” танхимд зохион байгуулахаар болжээ. 

---